რეგიონები · 11

რეგიონები

დღეს ბერიძეთა მთავარი კერა აჭარაა — თუმცა არა ხულო და არა თბილისი, როგორც ხშირად მიიჩნევენ, არამედ აჭარის ზღვისპირეთი და ბარი. ამ რუკაზე სწორედ იმის ნახვა შეგიძლიათ, თუ რომელ სოფლებში ცხოვრობენ თქვენი თანამოგვარეები.

ბერიძეთა გვარი რამდენიმე კერას აერთიანებს. ყველაზე მრავალრიცხოვანი შტო აჭარის ბარსა და ზღვისპირეთშია დამკვიდრებული; გურიაში ძველი სათავადო, შემდგომში კი აზნაურული კერა დასტურდება. გადმოცემის თანახმად, გვარის უძველესი აკვანი მესხეთში, სოფელ ერკოტაშია, სადაც 1595 წლის დავთარში პაპუნა ბერისძე იხსენიება. ამ მთავარი კერების გარდა, დროთა განმავლობაში გაჩნდა სხვა შტოებიც: ქართლის ბერიძეების ნაწილი მესხეთიდან გადასულად მიიჩნევა, სამეგრელოში — გურიიდან, ხოლო იმერეთში, კერძოდ სოფელ ბერიეთში მკვიდრთა ფესვები კვლავ მესხეთს უკავშირდება. ცალკეული ისტორიული კერა დასტურდება ლეჩხუმშიც.